CHADEMA Yalalamikiwa kupoteza Mvuto wa Kisiasa

''Mimi ni Mtanzania ninaishi nchini Marekani katika mji wa Chicago kiitikadi ni mfuasi wa CHADEMA, nimeguswa kuandika Makala hii kueleza masikitiko niliyonayo kwa vyama vya upinzani nchini hususani chama changu.

Nianze na kusema kuwa CHADEMA kilikuwa ni chama kikuu cha upinzani nchini Tanzania hakikuwa na mpinzani kilijikita kuikosoa Serikali na kutoa mawazo mbadala, kwa sasa hali imekuwa ya tofauti kwani CHADEMA wameshindwa kutimiza wajibu wao wa kukosoa na kutoa mawazo mbadala.

CHADEMA kwa sasa hawana agenda wamebakia kudandia agenda za Serikali na chama Tawala CCM, yani nimekuwa nikifuatilia hawana wanachokifanya wamebakia tu kulalamikia mambo mbalimbali yanayofanywa na Serikali bila kutoa ushauri wa nini kifanyike.

Naumia sana kuona chama changu kikishindwa kusimama katika nafasi yake, mpaka vyama vya wasaliti vilivyoanza juzi tu vinaanza kuleta upinzani. Najiuliza tatizo nini? Je ni mfumo wa uongozi? Je viongozi kutojua majukumu yao? 

Hivi karibuni nimeshuhudia wanachadema wezangu hasa vijana wakifanya harambee za kuchangisha fedha wakidai kuwa fedha hizo watazitumia kulipa faini watuhumiwa wa makosa mbalimbali ambao ni wanachama wetu, hii si sawa kwa sababu wanachofanya ni ubaguzi kwa Watanzania kama nia yao ni kusaidia basi walipaswa kutoa msaada bila kujali chama ili kukitangaza chama.

Kwa upande wa Bawacha wao ndo wamenishangaza kufanya press conference, kuandaa maandamano ya kutaka wanawake wezao ambao wanawawakilisha Bungeni waondolewe? Najiuliza je hayo ndio majukumu pekee waliyonayo? Nilitegemea wao wawe namba moja kutetea haki za wanawake nchini na ndani ya Chama lakini wamegubikwa na mfumo dume mpaka wamesahau haki zao za msingi.

Bawacha walipaswa kuwa msitari wa mbele kupigania haki za wanawake tena kwa wakati huu hii ni nafasi yao kwani mkuu wa nchi ni mwanamke walipaswa kumshauri Mhe. Rais ili atatue changamoto wanazokumbana nazo.

Sakata la wabunge 19 wa viti maalum binafsi naona Chama chetu kimeweka jambo hilo kwenye mtego wa kutaka kurumbana na serikali wakati wao ndo suluhu ya jambo hilo kwa sababu wabunge hao walifukuzwa chama lakini wakakata rufaa mpaka leo chama hakijawajibu rufaa kwa nini? 

Nakumbuka kipindi cha Sakata la Zitto kuitwa msaliti chama kilijibu rufaa mapema na Zitto akafungua kesi mahakamani mwisho wa siku sintofahamu ikatatuliwa na Mahakama, hicho ndo kinachowafanya viongozi kuhofia kujibu rufaa za wale wabunge 19. Kwa sababu wale wabunge wakiongozwa na Halima Mdee wamejiandaa vya kutosha siku wakijibiwa tu rufaa wanaenda kufungua kesi ya madai ya kuonewa ndani ya Chama.

Hivyo viongozi wanajua na wanaelewa kuwa kwenye hiyo kesi hawawezi kuchomoka ndio maana wanaendelea kujivuta huku wakisuguana na Spika wa Bunge ili siku ziendelee kusonga mbele. Bavicha kwa sasa naona wamepewa agenda hii ya kumshambulia Spika ili kufanya mgogoro uwe mkubwa na kumkasirisha Spika ili aamue kuwafukiuza wabunge hao Bungeni.

Haya ni mapungufu machache niliyoyabaini kuhusu Chama changu, na nayaona ni hatari kwa sababu yanasababisha chama chetu kupoteza mvuto wa kisiasa. Natoa wito kwa viongozi wa chama kurudi nyuma kujitathimini, pamoja na kujikita katika agenda za chama kushauri Serikali kwa kutoa njia mbadala ya kutekeleza mambo mbalimbali ya kimaendeleo badala ya kupinga kila kitu kinachofanywa.

Tuache siasa za kushambuliana Tujenge Nchi yetu kwa kila mmoja kutimiza wajibu wake kabla ya kumyoshea mwingine kidole.''

Maoni

Chapisha Maoni

Machapisho maarufu kutoka blogu hii

Manufaa ya Ushirikiano wa Tanzania na Kenya

Picha
  Tanzania na Kenya zimekubaliana kushirikiana kuondoa vikwazo vya biashara na kufungua milango Zaidi ya kuwekeza na kuinua uchumi baina ya nchi zote mbili. Makubaliano hayo yamefikiwa kufuatia Ziara ya Mhe. Rais wa Jamhuri ya Muungano wa Tanzania Mhe. Rais Samia Suluhu Hassan nchini Kenya ikiwa ni kuitikia mwaliko aliopewa na mwenyeji wake Rais wa Jamhuri ya Kenya Mhe. Uhuru Kenyata. Ziara hiyo imekuwa na mafanikio makubwa kwa nchi zote Mbili kwani kuanzia Tarehe 05/05/2021 vikwazo vya Wafanyabiara wa Tanzania kuingiza mahindi nchini Kenya vimeondolewa. Pamoja na mafanikio hayo mambo mengine ya manufaa ni:- Kujenga na kuendeleza utamaduni wa kukutana mara kwa mara, hii itasaidia kutatua changamoto ndogondogo zinazojitokeza. Kushirikiana kwenye sekta ya utalii, kwamba badala ya kunyanganyana watalii busara itatumika kuwashawishi watalii kuongeza siku za kutembelea Kenya na Tanzania. Vyombo vya ulinzi kushirikiana kulinda maeneo yote ili kusaidia kuwepo kwa utulivu na kutoa fursa ya...
Endelea kusoma

BE AWARE, Robert Amsterdam is a Canadian Set to Plant Violence in African Countries.

Picha
I am writing this article as an African. Diaspora alerting the African Union to be aware with Robert Amsterdam who claims to be  an international lawyer and Political Adviser. Amsterdam has started to set a violence strategy in African countries heading to their elections. Mr. Amsterdam is famous to us as the Canadian International lawyer who was born in 1956.  He runs the law firm called Amsterdam& Partners, with offices  in. Washington D.C. and London. Credible investigators information confirmed that for a cup of years Amsterdam has supported political violence in Europe, Asia, Latin America, Middle East and  Africa. Amsterdam who was awarded a BA from Carleton University ( Ottawa, Canada)  in 1975 and LLB from Queen's University ( Kingston, Canada) in 1978 is practicing  Public International law, international criminal law and political advocacy as well as  providing  dangerous directives to institutions and persons with political risk gui...
Endelea kusoma

LICHA YA AHADI KUWA WANGESHIRIKIANA, LISSU NA MEMBE KILA MMOJA ANAGOMBEA “KIVYAKE.”

Picha
By:  admin   Posted on   Vyama vikuu vya upinzani nchini Tanzania vimeshindwa kuunda ushirikiano uliotarajiwa kuvisaidia vyama hivyo kumng’oa madarakani Rais John Magufuli katika uchaguzi mkuu utakaofanyika Oktoba 28 mwaka huu. Jana ilikuwa siku ya mwisho kwa wagombea wa nafasi ya urais kutoka vyama mbalimbali kurejesha fomu zao Tume ya Taifa ya Uchaguzi huko Dodoma, na baadaye Tume kutangaza wagombea wa nafasi hiyo. Na katika taarifa rasni ya Tume hiyo, mgombea urais kwa tiketi ya Chadema Tundu Lissu atachuana sio tu dhidi ya mgombea wa CCM, Magufuli, bali pia wa chama cha ACT-Wazalendo, Bernard Membe. Kwa mujibu wa sheria za uchaguzi za nchi hiyo, mgombea urais atakayepata kura nyingi ndiye atakayetangazwa mshindi. Ni kwa sababu hiyo ilidhaniwa kuwa ushirikiano kati ya Lissu na Membe, kwa upande mmoja, na Chadema na ACT-Wazalendo, kwa upande mwingine, ungeweza kutenegenza mazingira mazuri ya ushindi kwa kambi ya upinzani. Kutokana kila mmoja wao kusimamisha mgombea wao,...
Endelea kusoma